သားသမီးအတွက်ဆိုညာရဲတယ်
လက်ထဲတစ်ပြားမှမရှိပေမယ့်
"ငါတို့မှအသုံးမလိုတာ
အသုံးစရိတ်များတဲ့
နင်တို့ပဲလောက်အောင်သုံး"ဆိုပြီး
ညာပြောတတ်တာ
အဖေနဲ့အမေပါ။
သူများမိဘတွေလို
သပ်သပ်ရပ်ရပ်လေး
ဝတ်ဆင်ချင်ပေမယ့်
"ငါတို့ကတစ်စုံကောင်းရှိရင် ရပါပီအေ"
"နင်တို့သားသမီးတွေကိုသာလှအောင်ဆင်ကြ" ဆိုပြီး
ညာပြောတတ်တာ
အဖေနဲ့အမေပါ။
အသည်းခိုက်အောင်
ဝေဒနာတွေ ခံစားနေရပေမယ့်
သားသမီးတွေ စိတ်ဆင်းရဲမှာစိုးလို့
"သက်သာပါတယ်အေ" လို့
ညာပြောတတ်တာ
အဖေနဲ့အမေပါ။
မိသားစုဝမ်းစာအတွက်
ပင်ပန်းစွာရှာဖွေနေရပေမယ့်
သားသမီးးတွေ မစားရက်မှာစိုးလို့
"မပင်ပန်းပါဘူးအေ"လို့
ရွှင်လန်းစွာ ညာပြောတတ်တာအဖေနဲ့အမေပါ။
သား၊သမီးအတွက်ဆို
ဆန္ဒတွေကိုမျိုသိပ်
ရင်ထဲမှာ ကြိတ်မှိတ်ခံစားခဲ့ရတဲ့
အဖေနဲ့အမေကို
ပြန်လည်ကျေးဇူးဆပ်ကြပါ။
0 Comments:
Post a Comment